“The Financial Times” сонин 9-нд G7 нь Ойрхи Дорнодын нөхцөл байдал хурцдаж байгаатай холбоотой газрын тосны үнийн огцом өсөлтийг шийдвэрлэхийн тулд Олон улсын эрчим хүчний агентлаг (IEA)-ийн зохицуулалтын дагуу газрын тосны нөөцөө хамтран гаргах боломжийг хэлэлцэхээр мөн өдөр яаралтай хурал хийнэ гэж мэдээлжээ.

Эх сурвалжуудаас иш татан мэдээлснээр, G7-ийн гишүүн орнуудын албан тушаалтнууд болон IEA-ийн гүйцэтгэх захирал Фатих Бирол Ойрхи Дорнодын нөхцөл байдлын нөлөөллийн талаар утсаар ярилцана гэжээ. АНУ-ын зарим албан тушаалтнууд 1.2 тэрбум баррель газрын тосны нөөцийн ойролцоогоор 25-30% буюу 300-400 сая баррель газрын тосыг хамтран гаргахыг санал болгожээ.

Ойрхи Дорнодын нөхцөл байдлаас шалтгаалан олон улсын газрын тосны үнэ сүүлийн арилжааны өдөр өссөөр байна. Нью-Йоркийн барааны бирж дээр дөрөвдүгээр сард нийлүүлэх хөнгөн түүхий газрын тосны фьючерсийн үнэ нэг баррель нь 120 ам.долларт хүрч, нэг өдрийн дотор 30 гаруй хувиар өссөн байна.

Source: Дэлхийн цаг