Ашиглалтын шаардлага хангахгүй орон сууцны хэлтсийн дарга Б.Бат-Учрал, дахин төлөвлөлт хариуцсан мэргэжилтэн Н.Базар нар Сүхбаатар дүүргийн Засаг даргын Тамгын газрын Төлөвлөлт, гүйцэтгэлийн удирдлагын хэлтсийн дарга Б.Бат-Эрдэнэ, дахин төлөвлөлт болон хотын хөгжлийн индекс хариуцсан мэргэжилтэн Д.Нацагбадам нартай уулзалт зохион байгууллаа.

Уулзалтын хүрээнд "Улаанбаатар орон сууцжуулалт" ХХК-д шилжиж ирсэн Сүхбаатар дүүргийн 8 ашиглалтын шаардлага хангахгүй орон сууцны барилгуудыг буулган дахин барилгажуулах төслүүдийн хэрэгжилтийг эрчимжүүлэх, тулгамдаж буй асуудлыг шуурхай шийдвэрлэх, байгууллага хоорондын уялдаа холбоог сайжруулах чиглэлээр санал солилцлоо.

Мөн Сүхбаатар дүүргийн нутаг дэвсгэрт нийт 50 гаруй ашиглалтын шаардлага хангахгүй орон сууц байдаг бөгөөд цаашид оршин суугчдын оролцоог нэмэгдүүлэх, нэгдсэн ойлголт бүрдүүлэх зорилгоор тухайн барилгуудын СӨХ-үүдийн нэгдсэн уулзалтыг ойрын хугацаанд зохион байгуулахаар боллоо.